أجرحيني ,,, وعذبيني
صباحكم .. مسائكم وأيامكم كلها .. خير ورضى وسعادة
وهذي أبيات أتمنى لها القبول ,,,
*
أجرحيني يا غلاي وعذبيني وإن برى جرحي تعالي وأجرحيني
في عذاب الحب يلقى القلب نشوّة التعذيب روعه صدقيني
ولا تخافي يابعد عمري عليّه فدوّة ٍ لك عمري وايامي وسنيني
لا تهمك عين ماتت من سهرها السهر يا منيتي تهواه عيني
ما جزعت ولا طرالي يوم أجزع راضي بكل الذي منّك يجيني
بس ابي منّك ليامني سألتك عن سؤالي ياغلاي تجاوبيني
باسألك بالله قولي اش استفدتي من عذاب اللي يحبك فهميني
والخفوق اللي هتف بحروف أسمك إسمعي نبراته بنغمة أنيني
جاوبيني لا متى انطر هالأجابه ومن عذابي ياعذابي أرحميني
لا متى وانا نتظر جنّة وصالك لا متى وأنتي بتجين وماتجيني
ولا متى وانا أتخربط بالأسامي والا ادوّر حاجتي اللي في يديني
جاوبيني جاوبيني جاوبيني والا قوليها بصراحه ما تبيني
رد مع اقتباس
