بين العتب والباب والضيم والقيد!!
بين العتب والباب والضيم والقيد
بين العتب والباب والضيم والقيد
عشت الغياب اللي تعذر حضوري
تلعب بي أفكاري على غير ما آريد
وخايف من اللي فيّ لا أفقد شعوري
اراجع اوراقي .. مرار وتراديد
لا الذنب ذنب ٍ لي ولا الشور شوري
من بعد ما أسج القدم وأقطع البيد
ولا كل ما آستحْوذه يرضي غروري
دارت بي ظروفي وورتني الكيد
وصرت أنتظر بين المساجين دوري
وفضلّت عن ما أهواه في نقرة الصيد
أريح عزومي .. وأبرقع طيوري
الحكم جاير والرجاء عني بعيد
حسبي .. على نظامه (الدكتاتوري)
متى الفرج متى؟ متى ليلة العيد؟
متى يزين الحال وتزين أموري؟؟
ما كنت أشوف قصور زايد ولا زيد
اليوم عادوني .. وشافوا قصوري
يقطع حياة ٍ كلها ( بليز و I , need )
وغيري يقول ( OK و I ,m soory ) !
جداي لا مات العنب في العناقيد!!!
أحفر لـ.. حبري وأدفنه في سطوري
لكن بلاي إن طوّلـــن المــــواعيد
وأصبح حضوري شي ماهو ضروري !
وأصبح حضوري شي ماهو ضروري !
وأصبح حضوري شي ماهو ضروري !
مما راق لي ودمتم!
رد مع اقتباس
المشاركة الأصلية كتبت بواسطة الشاعر
