ياصـبـاح الخـيـر يـاعـطـر العـبـيـر
ياصبـاح الـورد فـي عشـق الـنـدى
ياصبـاح الشـوق عصفـور وغـديـر
ياصـبـاح الــذوق فــي كــل الـمـدى
الـنـجـوم الـلــي تـداعــت للمـسـيـر
اخـتـفـت يـــوم ان فـجــرك أبـتــدى
ياجمـال الكـون فـي عـيـن البصـيـر
ياعـيـون الـنـور فــي فـجـر ٍ بـــدى
ياحبيبـي صـرت انـا عـنـدك أسـيـر
عـنـدكـم قـلـبـي عـلـيـل ٍ مـاهـتــدى
مادرى قلبـي وش اللـي بـه يصيـر
فــي سـمـا حـبـك إلــى مـنّـه غــدى
في هواكم مادرى وش هو المصير
هـايـم ٍ فــي عـالـم الـحـب اهـتــدى
غــردت فـيــه المـشـاعـر تستـثـيـر
كــل احـسـاس ٍ تـغـنّـى بـــه مـــدى
آخــر أقـوالـي عـلـى حـــب ٍ كـبـيـر
أحتـوانـي صــوت رددنـــي صـــدى
اشتكيـتـه مـــن عـذابــي والهـجـيـر
واحتويتـه قـبـل مــا يـذهـب ســدى
لاتلـوم القـلـب لــو يصـبـح خطـيـر
ماعـلـيـه امـــن الـمـلامــه يــانــدى
ياصباح الخيرياعطـــــــر العبير
رد مع اقتباس
