ملفت نظر امه ياملوي ارقاب**
صوبك جناب الحسن وجه مسيره’’
ياراعي اللـــــــثمه ياسالب ألباب**
ومن ضمنها قلبي ويش البصيره’’
انا رهين الدعـــج الي باهداب**
جنب ٍلجنــــب ماهي بنثيره’’
من حدرها تزهاك شفه عنًاب**
وحلاًك خـــشم ٍماشفنا نظيره’’
وخدودٍ بلون الورد لونها أنساب**
ووجهك في ليلي لويبين ينيره’’
لون الجدايل ليل به القمر غاب**
مشمومها العنبرمن الله تثيره’’
وصدرٍ حوى نهدين تحوز الأعجاب**
بأعلاه تزمه زمً ذيـك الصغيره’’
وميًاس عودٍ حيل راوي وجذاب**
علامة الجوده بخصرٍ يديره’’
لوني بوصف فيك حسنك باسهاب**
مايكفي لجل اوفيك سيره وسيره’’
الكمل لله غير مابك ماينعاب**
يالوله بالحسن وغيرك اخيـره’’
منصاب مفتون بك واليوم طلاب**
من بد البشر لك ياسيد العشيره’’
عساك تفتح لي في الحب الأبواب**
وترافقني عمري دوم بشره وخيره