(مرثية كنق ومبايعة ملك)

(مرثية فقيد ومبايعة ملك)


مرحوم ياصقرنٍ فقدناه مرحوم
صقر العروبه والعرب فاقدينه

هذاك ابومتعب سند كل مضيوم
حلّال نشبات الامور الدفينه

اللي بدار الكنق مابات مظلوم
يحكم بشرع الله وجادت يمينه

ابكي على كنق العرب سيد القوم
وكل الشعب يبكي والامه حزينه

يوم اعلن الديوان موته جت علوم
ارسى الحزن فينا رسات السفينه

سهرت ذاك الليل والقلب مهموم
همّ اليتيم اللي فقد والدينه

يشهد عليّ الله جفت عيني النوم
استرجع أيامه وماضي سنينه

لكن عزانا في رجاجيلٍ قروم
ورّث لهم حِكمه وصبر وسكينه

رأس الهرم سلمان وحنّا له عزوم
نعلن له البيعه وربّي يعينه

سلمان ياسلمان حنّا معك دوم
والخاين النمّام نبتر يدينه

ونبايع المقرن مع محمد اليوم
مبايعه تقهر قلوبٍ ضغينه

والمملكه تبقى وطن خير وسلوم
وتبقى علاقتنا علاقه متينه

الشاعر/حمزه عبدالله الحربي
يوم الاحد1436/4/5

رائعة صح لسانك ورحم الله ملكنا

صح لسانك ياشاعرنا بارك الله فيك والى الامام

رحمه الله واسكنه الجنه وبارك في خلفه

وفق الله الجميع لما فيه خير الامة

رحم الله جميع اموات المسلمين

رحمه الله رحمة واسعه