قصيدة عن الديره من فيض مشاعر العيسي.!

مساء الخير

الإهداء لأهل الديره ولكل أصدقائي من قبيلة حرب خاصة

و للمشرفين عبدالمحسن و شليه بالذات

لا سولفـوا فيهـا لمـع نـايـض الـبـرق
والــلــي عـرفـهــا ردد : الله عـلـيـهـا

ذيك الديار اللـي عـن القنفـذه شـرق
احـبـهــا واحـــــب اهـلــهــا وابـيــهــا

تحلا لي العرضـه و يطربنـي الطـرق
فــي وصـفـهـا واخـبـارهـا واحتـريـهـا

من باطن الوادي الـى عالـي العِـرق
حـلــوه بماضـيـهـا وذكـــراي فـيـهــا

لو صيفها سوّا على وجيهنا حرق
نسيـمـهـا يـبــري الـحــروق ويقـيـهـا

منهـا سرقنـا وقتنـا لـلأسـف ســرق
تــبــدلـــت اوضــاعــنـــا مـانـبـيــهــا

مابـيـن ديرتـنـا وبـيـن القـمـر فـــرق
هـو يعكـس احلـى نور..والنـور فيـهـا

بقلم أبو نايف
1428 هـ

صح لسانك وبيض الله وجهك أخي أبو نايف ........

ياسلام عليك ياشاعر حرب وبني عيسى قصيدة في قمة الذوق

فعلا قصيدة جميلة ماشاء الله

صح لسانك وبيض الله وجهك أخي أبو نايف ........

العفو يالغالي

صح بدنك وسلمت و لا هنت

ياسلام عليك ياشاعر حرب وبني عيسى قصيدة في قمة الذوق

الذوق ذوقك و الجمال في ابداعك يالغالي

كل مكان تحل فيه نرى فيه محلاً للإبداع ومكاناً يغري على التطلع للقمه

فعلا قصيدة جميلة ماشاء الله

جمل الله حالك و بارك فيك أخي الغالي