حرفة حروفي ماهي حروف تحريف ,,
حرفة حروفي ماهي حروف تحريف "
" ولا فلسفة مسطول تسري به اوهام
حزن المعاني وظف الحرف توظيف "
" وفزة شعوري شعللت روس الأقلام
االمحبره تنزف تحت رحمة السيف "
" وإلهام سيفي ماخذٍ درع واحزام
االمسأله ماهي مجرد سواليف "
" قصة غرامٍ ضيعة قلب ضرغام
لولا القوارب وش وجود المجاديف؟ "
" ولولا وجود الموج قبطانها نام
الليل موحش والسهر فيه تكليف "
" وكلٍ يعاف الليل لوعاش منضام
القلب بيت ٍ للوفا والغلا ضيف "
" وأصدق ضيوفي من صغر سني (أريام) "
حبل الموده كتّف القلب تكتيف "
" وطير القفص رغم الغلا باالفضا حام
ياحيف.. ياقلبٍ بنا الصدق.. ياحيف "
" يرسم طموح الود بكفوف الأحلام
الحزن حاقد والمشاعر ملاقيف "
" ضمة وليفٍ يزرع بدربي ..ألغام
هذا نصيبي ماتفيد التحاسيف "
" رآضي بمكتوبي ونكّست الأعلام
وشلون اجاهد والبلاوي تصانيف؟ "
" والحب ظالم والغرابيل ظلاّم
منها عرفت ان الليالي تصاريف "
" من يوم قلبي عانق جروح وآلام
عمر الأماني ماتجينا على الكيف "
" وعمر الزمن ماحقق احلام الأيتام
ولو الغلا يجمع قلوب المواليف "
" كان الولايف ماشكوا جور الأيام !!
من ماراق لي
رد مع اقتباس
