أبرحل في سما عــــيــونــــك

ابرحل في سما عيونك وابسكن داخل عيونـك
ابرحل/وين ما ارحل/مادام عيونـك اوطانـي

ابحضن كل هالعالم وابرسـم حلـم مجنونـك
طفل يتجـرع بلهفـه ثنايـا ليلـك الحانـي

مدارات الهنا بسمه تـداوي باقـي طعونـك
كواكب تنتحر فيني لاجانـي طيفـك يعانـي

رسمتك للأمل شمعه يدغدغ عطرها شجونـك
رسمتيني أمـل ليلـة خفاياهـا غـلا ثانـي

ابي عمري مدد عمرك وليلك شمس في كونك
وابي كل الظلام اللي يسودك يسكن احضانـي

نسيت اقول ياعمري يعـل عيونـي يفدونـك
ترى باكر/امل باكر/عيونك تحضن اعيانـي

ترى باكر لك اللهفة تسوق بشـوق مفتونـك
يقبل ثغره اطيافك فـرح فـي ليـل تحنانـي

ابي باكر اضم نارك ابي تصرخ بي ياعونك
ابي تغرقني بحورك وكـل عـذري لربانـي

ابي باكر لاجابك لي يغرقني بهوى مجونـك
ابي باكر/ابي باكر/ تلعثـم حرفـي بلسانـي

نسيت اللي ابا اقوله ولكن ما أنسى مضمونـك
كلام تحفظه شفاتـي ابـد ما يـوم يعصانـي

حضنت عيونك بعيني شكت عيني من جنونك
رحلت بعينك لدنيا عرفـت ان العمـر فانـي

هلا بك اسكن فصدري/أنا ادري مسكني عيونك
غدت أوطاني/أو تدري؟ عيونك كلها أوطاني

ياسيد الحب أنا بنت العز هـذا أساسـي
... بنت رجـال ٍ تاريخهـم فيـه أفعـال

مايوزّن قدري بذهـب ولا الألماسـي
... قدري كبيـراً عاليـاً ماتهـزه جبـال

يكفي أني لغير ربي ماينحنـي راسـي
... يبقى راسي أنا مرفوع في كـل حـال

لمعة ذهب تفرق عـن لمعـة نحاسـي
...لاتحسب الفرق واضـح لكـل جهـال

كأنك تبي بالزين تعرف مدى قياسـي
... من البدر مأخذه رسوم الحسن والجمـال

ونجوم ليل السماء هـن لـي حراسـي
... نوري ياسيّدي شمس ماتعـرف زوال

لو تشرب طعم الهوى من نبـع كاسـي
... ماأظن من غيري اليوم تطلب وصـال

ربي وهب لي الشرف وصادق إحساسي
... تفكيري ما يشغله هرج عاذل وعـذال

نفسي عزيزة أذكرك أن كنـت ناسـي
... ماتقبل مذله هذا أخرما تسمع من أقوال

مما راق لي ..

جميل جدا أختي البسمة ألف شكر .........

شـكــ وبارك الله فيك ـــرا لك ... لك مني أجمل تحية .

حياك الله ملاك الروح وسعيدة بهذا التواجد الرائع

حياك الله وطني شموس وسعيدة بهذا التواجد الرائع