بوووووح شاااااعر
بعد ظلم 15 سنه من الاخت لاخوها ...... طلبت تصالحه
فارسل لها قصيده حزينه ...
ماني على ماقيل قاسي وسفاح
ولا مهايط بالحكي يوم اتله
قلبي حنون وكل قلباً بمفتاح
والود هو ظلي وانا صرت ظله
متى يذوب الثلج تهناء وترتاح
هذا سؤال الثلج رح له وقله
صدق المشاعر شوق والشوق ذباح
والشوق لامنه رضي ماتمله
تكفى دخيلك لاتنقض لي اجراح
خل المياه الراكده ماتصل له
ابكيتني بالوصل والوصل فواح
مثل بخور العود خلٍ لخله
مابي وصالك روح عني وانا ارتاح
بعد المهانه جيت من غير مله
لا يامدور عن هماليل واشباح
خلك بعيد ودربك اول تدله
درب القطاعه بعتني فيه برماح
غرستها فالخاصره دون سله
والله لو ان العمر يرجع بعد راح
لارجعه واحطك انته محله
وتشوف كيف الظلم غدار ياصاح
وتشوف كيف اني تحملت غله
يمكن تجي نخوتك في قلب سمّـاح
ويمكن تروق النفس من كل عله
لك غيري اخ وغيره اخين مرباح
شباب لامن قيل ياهيه فله
والا فانا شايب كسيراً ومطراح
راحت علومي بين قدراً وحله
لو اعرف ان الحال يرجع بمصلاح
رجعت لكن به علوماً مطله
روّح لضلعك يسندك وقت الاصباح
والضلع الاخر مايهاب المذله
اخوان لك من جد لا طاح ما طاح
وانا ولد (( ما ما )) علومي مخله
عمري قضيته بين مشلح وشلاح
واليوم ادوّر تمرتاً جنب دله
بوووووح شاااااعر
رد مع اقتباس
