رساله عاجله بمطالب الشعب السعودي "
هذه القصيده رساله عاجله مني باإسم الشعب السعودي كافه تحمل بين ابياتها مطالب يتمنى الشعب ان تتحقق مع إثبات الولا والمحبه لخادم الحرمين الشريفين الملك : عبدالله بن عبدالعزيز اطال الله بعمره وللأسره الحاكمه كافه اتمنى ان تصل لوالدنا ابو متعب ،، لكم القصيده :
سلام ياخادم بيوت الدين يادمث الجناب
من شاعرٍ يحمل رساله للمواطن عاجله
رسالهٍ مضمونها بين تبي رد الجواب
للحاكم اللي كلنا في ذمته نحتاجله
الشعب كله يشكر الله يوم لدعاهم اجاب
عسى حياتك ياملكنا باالسعاده حافله
ترى الرواتب ماتكفي واللوازم ماتجاب
واخلاق شعبك يامليك العرب جداً قافله
ازمه سكن تعصف بشعبك والمناوي كاالسراب
والارض قيمتها دبل والوضع ماينشافله
ولا المعيشه غاليه ماعاد غطاها الحساب
تجارنا لعبوا بنا لعب اليدين السافله
والبنك قصده مع ظروف الوقت شاب الراس شاب
يحدنا حد القشر والرزق ربي كافله
ومشاكل التوظيف جابت للشباب الاكتئاب
شبابنا يبغى وظايف بس ماهي حاصله
وحافز نبيك تثبته لعيون شعبٍ مايهاب
شعبٍ دعالك وانت في عز المرض يستاهله
وساهر تراه اكبر عقوبه للمواطن سم داب
استنزفونا عاقبونا والنوايا باطله
كل الدول تشتتوا حكامها صارت خراب
والشعب في حبك ياابو متعب يسوق القافله
الحكم لله ثم لهل المعرفه واهل الصواب
ال السعود مرويه حدب السيوف القاتله
والخاتمه نحمدك يارب العلاء مجري السحاب
على سلامه من دعيناله بفرض ونافله
الشاعر/عبد الله الرياحي
رد مع اقتباس
