ابتذال الهرج!!

لو ماتكلمت وساد صمتي ..

لايزعجك ترى الهرج ماهو برهان المحبه...

ولاتحسبي صمتي يابعد عمري مسبه...

إلأ أني ماأعتد ابتذال الهرج!!

رجلن لاحكى فتريه بريدن لقلبه...

وإن ماحكيت وساد صمتي !!

فابشرك حتى صمتي نوع من انواع المحبه...

ولا ابتذال الهرج..ياعمري ..فهمتي...

وشهو الحين اسباب صمتي ...

ولاً انتي تحكي لك عيوني لوسكت...

كيف يخفاك يااغلى من ملكت...

فلايثيرك شي ولاتشغلك الظنون...

انا أحمد الله ماخلق لي قلبن يخون...

لحظه ..لحظه..انتظر ..

يالنظر واغلى لعيوني من نظرها..

بعلمك ليه بعض الأحيان صمتي ...

لأن مع كل لحظه غلاك بقلبي بازدياد...

استغفر الله لوقلت يغنيني ...

عن شربن وزاد...

لجل هذا بعض الأحيان ...

الزم الصمت لأنه يالمراد...

مالقيت بالهرج شين يترجم غرامي ...

مثل ضامي وطب بالبحر يشرب أمانه

مايظل ضامي !!

ولاً أنا ودي احاكيك العمر كله ..

يامرامي ..ياهيامي ..

مسجون حبك لاتخلينه ياريم ...

وتعيبين صمتي ...

تري والله العظيم ..والله العظيم ...

أحبك حتى في عز صمتي ...

وليت لا احترتي بين السهر وبين أنك تنامي...

امرت لك عيني بالسهر عنك ياابتسامي...

وقلت نامي ..يامهبط احلامي...

بردانه ولايهمك...

ابشعلًك عظامي ..

وأن كانك تشتكين العكس...

يفداك عمري ولاتضامي..

عمري صمتي حب ..ماهو غيره...

وانا كلي قلب..عطاك خيره...

لكن اسكت احيان ايه اسكت ...

ماهو أزين من ابتذال الهرج!!

ياقمر الزمان ’’’

تحياتي لك اخي الراجحي ع هذا الابداع

شكرا على الابداع......

موفق اخوي.....والى الامام

بارك الله في طرحك.......

موفق والى الامام.......

تحياتي لك اخي الراجحي