الصدر ضاق و خالط الهم ضيقه = وكثرت همومي وناظر العين بي ضاق
وقعد يسوق القلب سوقا(ن) حقيقه = ومن المشاكل ضاق في الفضاء ضاق
من لوعتا(ن) بالقلب شبت حريقه = ادافع العبرات والدمع دفاق
على وليفا(ن) بعدها مانطيقه = والا طرى بعده يجي القلب خفاق
وتيبس عروقي وييبس الفم ريقه = معاد لانسمع ولاهرج ينطاق
هاذي علوما(ن)كل ابوها حقيقه = والدمع من عيني تقل فيه حراق
يالله تفرج هم من فيه ضيقه = وكنه على جمر الغظا يحرق احراق
وتردله ابو ثمانا(ن) رقيقه = اللي بشوفه ينجلي كل دفاق
ونسعد بشوفه ونهتني لو دقيقه = والعمر فاني والليالي على ساق
ون مارجعـلي ادفنوني ابطريقه = وحطو على قبري لها حب وعناق
سلام يازين الحلايا الرقيقه = اللي جمع به خالقه كل ماشاق
طول و بياض و زين ينور طريقه = والعود يرفقبه على مدمج الساق
والعنق عنق الريم قول او حقيقه = ضافي عليه امن الشعر كل ماراق
ربي عـطاه امن الحلايا الرقيقه = معطيه ربي من الحلا شي ميطاق
هاذي وصايف صاحبي الانيقه = مصيونتا(ن) ماشافها كل عشاق
ياطير يومنك تعليت ياطير = ماشفتلي مركوز الانهاد خلي
ياطير انا من عقب فرقاه ياطير = فقت لذاتي وعيني تهلي
والقلب من بين المعاليق ياطير = بقعا تصوعه والمشاكل تعلي
لاوهني منشاف من شاف ياطير = هاك المحيا يابعد كل ملي
انشهد انه لذة القلب ياطير = لاتلومني ياطير لو جيت كلي
ياطير لاشفته ياخوك ياطير = قله عقب فرقاك يازين ملي
قله تراني عقب فرقاه ياطير = العين تاذرف والمحاجر تهلي
وقله تراني ميتان موت ياطير = هذا وكاد ان كان هو ماحصلي
ووصل سلامي لادعج العين ياطير = بالغ تحياتي لعذب التغلي
الي ذبحني واشعل النار ياطير = وسط الظمايروالحشى له تملي
لاواوجودي وجد ياوجد ياطير = من فربه بالليل ولاحدا(ن) فطنلي
والله لاسريبه بالليل ياطير = وافربه فرت فرير المولي
هـذا الوكاد الي انا كن ياطير = والي بقى ياطير خله يولي
يازين من ود ك ذبحني مراعاك = شوفك يزيد فيني جروحاً نديه
قلبي يحبك والضماير ترجاك = والعين تفرح بشوفتك لو شويه
من كثر حبيلك تمنيت لقياك = اشاهدك وفرح برد التحيه
ياجعل ربي امن الصواديف ياقاك = واسعد بشوفك يادوا كل سيه
ربي عطاك امن الحلا جعلي افداك = تفداك روحي وكل غالي عليه
انته منا قلبي والقلب يهواك = لاوهني من حب ذيك اليديه
البيض فيهن امن الحلى ومن حلاياك = لاكن البلى لامن تجليت ليه
والله منسا نضرتاً من محياك = لو عدلو مليون وخمسين ميه
ماهو ردا بالبيض والبيض شرواك = اوجه الكل وحده تحيه
الا(ن) قلبي بالمحبه تمناك = طوعت قلبي والمخاليق حيه
ذبحتني لاعل عمري فدياك = واشيب قلبي لاطريتي عليه
ياجعل روحي يدعج العين تفداك = انا وما املك لعينك هديه
يالايمي جعل المواتر توطاك = وعقب المواتر اطش برضاً خليه
والايحوشك علتاً مثل شرواك = يقهرك بالدنيا ونت الضحيه
اجمع من الاشعار وكتب بالاوراق = واللي يجول أبخاطري مانسيته
قصايداً أتوسع الصدر لاضاق = وتقصر طويل الدرب الى سريته
وتكشف غويل القلب و تنشر اشواق = يقراه من يقراه لو ماعطيته
وتاصل علومي للغضي مدمج الساق = اللي بروحي وكل ما ملك فديته
ياجعل يفدنه طويلات الاعناق = اللي بعيداتاً واللي ابيته
حبه ذبحني و بعدها يحرق احراق = لا تلومني ياعاذلي لانصيته
حبه يتل القلب من جوف الاعماق = غصباً علي وبعدها ماقويته
انا اشهد اني لشوفة الزين مشتاق = وانا شهد اني كل درباً مشيته
من شان اشوف انويعم العود لافاق = وبهج فوادي بنظرة اللي هويته
من قبل قصاف اللذايذ والاعناق = واموت من همي ونا مالقيته
هذي اعلومي كلها أبيض الاوراق = ذكرتها واللي كتبته قريته
ياعزتي ياناس انا لكل عشاق = اللي وطاه امن الهوا ماوطيته
بعض العذارى حبهن ود وشواق = وبعض العذارى حبهن مابغيته
وبعض العذارى تسعد القلب لاضاق = وبعض العذارى حيتن شبه ميته
وبعض العذارى ودك تكسا بلاطواق = وبعض العذارى خاسراً ماعطيته
$$>> الشاعر مساعد بن معتق العوفي <<$$
رد مع اقتباس
