السلام عليكم ورحمة الله وبركاته

قصيـده رائعــه للشــاعــر
للشاعر سالم بن عويض الحربي
يفتخر بها بقبيلته العزيزه حرب
حيث يقــول:

يالله يامنشـي هبـوب ومعاصيـر
ياخيـر منهـو بالدعـا نرتجيلـه
بسمك بديت القاف وابـد التعابيـر
قافن حشمته عـن امـور هزيلـه
من هاجسن سطر من القاف تسطير
جايب من حروفه بيوتـن جزيلـه
سلام ياروس الرجـال المناعيـر
ياتاج راسـي محزمـي والفتيلـه
سلامن احلى من حليب المصاغير
واشد من حد السيـوف الصقيلـه
لعيون ربعي حرب سقت التباشير
واسيـر القيفـان دربـي تجيلـه
شاعـر ليامنـي كتبـت التقاريـر
ماعرف لاصعبـه ولا مستحيلـه
لي عزوتن داست بروس المخاطير
ولهـا فعولـن بالمعـادي مهيلـه
اهل الكرم من دون شرحن وتفسير
واهل والوفا واهل العقول الدليلـه
قوم لنا بالطيـب حشمـه وتقديـر
ولنـا بيوتـن بالمعـزه ضليـلـه
معمره بالصيـت والمجـد تعميـر
متجنبه عـن كـل هزلـه وميلـه
ولا جا نهار فيه سرج المضاهيـر
وشبت براس القوم قـدح الفتيلـه
حنالها باقسى السيـوف البواتيـر
عدونـا بالمـوت يلقـى حصيلـه
رجالنـا ينطـح لحالـه أساطيـر
والـورع مناماتهـزمـه قبيـلـه
تخضع لنا الحكام شيخ معا اميـر
صاحب معالي كـان ولا فضيلـه
لاقادهم حربي وصـف الطوابيـر
اكبـر ملـوك الارض ماينحنيلـه
ولامن وقف ياقفله صغير وكبيـر
وتهتـز روس النايفـات الطويلـه
وختامها وأخـر حلـول التفاكيـر
غن القصيـده ياصحيبـي بشيلـه
الذكر بفعـول الرجـال المناعيـر
صعبن تحصره بيـن يـوم وليلـه
هذي بيوتي جتك من دون تزويـر
مهما مدحت بحـق ربعـي قليلـه


للشاعر سالم بن عويض الحربي