ودي أكون بعيونك دمعة غرام
ما تفارق مقلتك
أبيها تقاسمك حتى الأحلام
غمض عيونك خلها تموت بسلام
ودي أكون شمسك
أحضن صبحك
وأغيب على مرسى جفونك
بيني وبينك موعد
على أول خيوط فجرك
ودي أكون ليلك
يسهر يعد نجوم
صفحة سماك
ودي اخاطب قمرتك
واروي بشوفتك صحاري
شوقي وضماي
ودي أكون ضحكتك
وارتسم بسمة على شفاك
وأبيع عمري لأجل تسعد بدنياك
ودي أكون حرف تتغنى فيه سطورك
ودي من كلمة أفهم شعورك
أزعل
أرضى
وأتغلى
ولقلبك أشتكيك وأرضي لذةغرورك


ودي بعيونك أنام