حنا السعوديين

حنا السعوديين

حنا السعوديين أكثر شعب في العالم يمتلك بترول

أكبر الدول المنتجة والمستهلكة

وحنا اللي تبرعنا لأغلب دول العالم .

وحنا اللي إكتفينا من القمح وصدرناه للعالم .

وحنا اللي أخذنا كأس أسيا ثلاث مرات .

ووصلنا لكاس العالم أربع مرات .

وحنا اللي هزمنا العراق في حرب الخليج .

حنا السعوديين أول من طلع الفضاء من العرب .

وحنا أكثر شعب في المنطقة وحنا أكثر شعب عنده ستالايت .

وحنا اللي نمتلك قناة mbc وقناة art ...

وحنا أكثر من يتصل على القنوات الفضائية ونلعب

مع المذيعات الحلوات ونمزح معاهم .

وحنا اللي ماأحد يغار على الدين مثلنا ،

رغم إن أغلبنا مايصلي كل الفروض .

حنا السعوديين مافي أطيب وأكرم مننا

حنا اللي نرمي نصف أكلنا في الزبالة من زود الكرم .

وحنا من تفوق على غيرنا في كبر الكروش والكسل .

حنا من أكثر شعوب العالم إستهلاكا للدخان والشيشة .

وحنا اللي عندنا مدينة جدة رابع أكبر مدينة تلوث في العالم .

وحنا اللي قضينا على الحياة البرية في السعودية

من كثرالصيد والقنص.

ثم رحنا على مصر والسودان نقضي على الباقي .

وحنا أكثر ناس في العالم ننفق على السياحة .

وحنا اللي تبكي وتتحسف علينا بانكوك وبتايا من بعدها عنا

حنا أكثر شعب في العالم عنده عمالة أجنبية .

وشبابنا عاطل

وأكثر الأشياء اللي نستخدمها من صنع غيرنا .

ومانرضى نشتغل في المطاعم والمطابخ والمخابز والمغاسل .

لأننا نشوفها أقل من مستوانا

حنا اللي نحافظ على تقاليدنا حتى لو كانت غلط .

وحنا كل واحد يهايط قبيلتي وقبيلتي وكلهم خرطي .

ونشوف الأجانب أقل مننا . إلا من رحم ربي

حنا اللي الحرمة عندنا ماتكشف حجابها لنا وتكشفه للأجنبي .

ونتركها تركب السيارة لوحدها مع السواق الأجنبي .

حنا أول من إبتكر مطاردة البنات في الشوارع بالسيارات.

وإذا شفنا بنت راكبة السيارة مع سواقها تجمعنا بسياراتنا

حولها مثل الغنم

نبي منها كلمة او نظره حتى لو تتفل في وجيهنا .

تخسى الا هي

حنا اللي عندنا أغلى المهور في العالم .

حنا السعوديين ثلث الزواجات عندنا تنتهي بالطلاق ..!!

وأضيف من عندي

حنا السعوديين مدرائنا بالأقدمية ولهذا إداراتنا متخلفة

وأنظمتنا لا تطبق .

حنا السعوديين الواسطة فوق القانون .

قال ايش قال سعوديين طير ياعمي

وحنا سعوديين تشوف مهايطنا في ام ارقيبه وقناة الساحه

الحمد لله على كل حال ونحن والحمدلله في نعمة الأمن والأمان
الف شكر أخي العزيز

شـكــ وبارك الله فيك ـــرا لك ... لك مني أجمل تحية .

وحنا الي نلعن اليهود على شان انهم يحتقرون البشر ونسينا انفسنا
وحنا وحنا الخ الخ الخ من الخطاء الي ماراح نتغير الا اذا اعترفنا بها

نسأل الله السلامة ......

لاشك ان انتقاد السلبيات في اي مجتمع هي بداية التصحيح وهذا مافعلته الامم المتطورة
والتي سبقتنا في كل مجالات الحياة