يالله ياحـلال عسـر المغالـيـب
كل الامور بجـال عفـوك سهلًـه
هون علينـا ضايقـات المكاتيـب
وعليـك يـارب العبـاد التكـلًـه
مرحوم يارجل على العز والطيـب
قلبه حنـون ومجلسـه مـا تملـه
ياريف من عكرت عليه المشاريب
يلفيه من جاله مـن الوقـت ملـه
واللي ورط في حانيات المحانيـب
فكاك عسـرات الامـور الشكلـه
رجل وصل بالطيب عالي المراقيب
الطيب طبعه والمعاريـف ضلـه
ياشيب عين ما بعدصابها الشيـب
ويامل عيـن تهمـل الدمـع كلـه
البيت صانه في زمـان التقاليـب
يوم البشرمن فـوق سبعيـن ملـه
هذاك ابوفيصل عريب المناسيـب
تدعي له العربان فـي كـل حلـه
والطيب عند اهل الكرم والمواجيب
سبـاق همـال السحـاب المطلـه
يالله تجيره من لهيـب اللواهيـب
ومن جنة الفردوس عبـدك تعلـه
ياعالم بالسـر والجهـر والغيـب
تعلم خطا الانسـان دقـه وجلـه