حافظك ربي عسا ايامـك سعيـده
ان لفيت.... القلب يكشفلك شراعه
وان غفلت العمر وين القى حفيده
طالبك طلبت خصيمن في نزاعـه
يوم ناظر مالقـى منهـو سنيـده
واعتزا يبغى مواقيـف الجماعـه
واخذلوه ولا لقى منهـو عضيـده
مالـه الا طلبـتً تجلـب قناعـه
والحديده تكسـر قفـول الحديـده
طلبتي لك ياحبيبي شوف... ساعه
كان مالك رجعةً والـدرب سيـده
ان تركتك قلـت ياليـل المجاعـه
قمت ارددها علـى سلـم العقيـده
وان نخيتك خابرك تهوى الطماعه
تهتـوي ترديـد طلبـاتً وكيـده
حالف ان القول مايصبح بضاعـه
في يدينك وانت جـلاب المكيـده
المصيبـه بنـت عـمً للبشاعـه
والبشاعه بنـت خـالً للشديـده
والشديده عمتً لـي بالرضاعـه
يعني القاصي مع الدانـي نبيـده
صرت من سبّتك معدوم المناعـه
كل من قفـى طلبتـه واستعيـده
مذكر انّك قلتلي سمعـاً وطاعـه
وانت عمري فدوتً لك لو تريـده
كيف تجزيني بنكـران وقطاعـه
والحيا فالقـاع قـد بيّـن مزيـده
ياحبيبي شوف راع الحب راعـه
والله ان الحـب ماغيـرك يفيـده
وانت تحّدَاني على شوف الفضاعه
كيف ترضى والعـواذل مستفيـده
والله اني ماعرفـت الا الشجاعـه
ومن عرفتك صارت الدنيا جديـده
طالبـك بالله تودعبـي قنـاعـه
ياتـفـك القـيـد ولا ياتعـيـده
لا تحسّفني علـى قلـبً وداعـه
في يدينك وانـت تفعـل ماتريـده
يالليــل : المجاعــه
رد مع اقتباس
