يـامـن دهتـنـي عيـونـك واحتوتـنـي يـديـك
الله يسامـحْـك كـيـف تـقـول مـــاذا دهـــاك
مـاتـدري انــي متـيّـم بـــك وكـلــي لـديــك
مملـوك مـأسـور مسـبـي مستـهـام بـهـواك
أمـوت كلـي معـك .. وامـوت فيـك وعلـيـك
واغلـيـك لـكـن عـسـى الله مايبـيّـن غــلاك
واحـنّ اليـك .. وعليـك احـنّ مــن والـديـك
ومـن لهفـتـي عـيـن قـدّامـك وعـيـنٍ وراك
أشتاق لك واشتكي لك منـك واشكيـك اليـك
كلـك ملكنـي .. وكـلـك فــي عيـونـي مــلاك
جـادلـك جـيـدك جبيـنـك خنـجـرك حاجبـيـك
اسمـك سماتـك سمّـوك سِسْتِمِـك مسـتـواك
جوريْـك جمـرك لجينـك عسجـدك وجنتـيـك
ذرابـتِـك رقّـتِـك روعــة حـضـورك بـهــاك
وجهـك وهـج مبسـمِـك بسمَـتْـك غمّازتـيـك
براءتـك .. خالـك الـلـي لاذ بايـسـر شـفـاك
سِجِنّـجِـلِـك جـلـنـارك نـرجـسِـك كـركـديــك
كاديك مسكك نسيمك شمس صبحـك مسـاك
سلهام عينك .. نَعَس طرفك .. حَور مقلتيك
بوهَتْـك ملحـك حـلاتـك خــف دمــك حـيـاك
ما اعرف اداري ولا اهدّي ولا امسك بريك
لاجيـت اجـي كلـي .. وكلـي عسانـي فــداك
أقـدّم الـروح كـاش .. وباقـي العـمـر شـيـك
باسمـك مصـدّق ولا يصـرف لحـيٍ ســواك
يـامـن دهتـنـي عيـونـك واحتوتـنـي يـديـك
الله يسامِـحْـك كـانــك قـلــت مـــاذا دهـــاك