الا يــــــــــــا وجـــــــــــــــــودي

بدينا بمن ذكره يبـدى علـى الاذكـار
عليم بخفايا خافي النفـس واش فيهـا

واثني صلاه على النبي الهادي المختار
عددما يسيل السيل بـارض ويسقيهـا

والاياوجودي وجد من لاعب الاقـدار
على طيب نيه ما عرف واش تواليهـا

طعن بالزمن والوقت والخنجر الغدار
مراكب غرامه مارست فـي موانيهـا

تلاعبه امواج الشقـا والقهـر بحـار
تحطم شمـوخ وقـوة الـي يقاويهـا

وانا يا وليفي لجل حبك عمرت الـدار
وثبتهـا وارسيـت لجلـك رواسيهـا

رسايل غرامي شوق ياطيب المعشـار
واسطر بيوت الشعر باجمـل معانيهـا

تحيرني الحيره وان الحاير المحتـار
تغص العروق بدمها لا جـرى فيهـا

بدونك بداري بس كني غريـب ديـار
وزولك يزيح هموم بالنفـس تشقيهـا

ولا ياوجودي وجد من لاعب الاقـدار
على طيب نيه مـادرى واش تواليهـا

رائع بهذا الابيات الرائعة .. كما عهدناك في كل حالاتك اخي
ابوعلي وجودك هنا مكسب .. واضافة كبيرة مع الرائعين امثالك

فقط .. لاتحرمنا مطر حضورك ... وكرم وجودك وتواصلك الكريم
وصح السانك...وتقبل مروري /اخوكـ الدريبي....

صح لسانك والف شكر على الابداع

قصيده جميله وجهود قيمه

كل الشكر لك على هذا الابداع

ابو على شاعر لا يختلف عليه اثنان

واتمنى من ادراتنا الكريمة بالتكرم

ومنح ابو علي شاعر المنتدى

ويستحق والله شاعر القبيلة

تحيتي للجميع

تسلم اخوي والله انك مبدع