صوت المنادي بعد مايقفل الباب
ماينسمع والبيت ما يوصلونه


الـّي يخايل للجبل راس مرقاب
مسكين خايف لا تغــّره عيونه


ماخفت مالعقرب ولاهمني داب
وحرب مثل النؤ لا جت مزونه


احبهم جيران واحباب وانساب
والـّي بيكرههم فداهم عيونه


احساس لا جاكم فماهو من اغراب
لحرب اغــنّي شعر باعذب لحونه


إن كنت كاتب غيري اللاف كـتــّاب
وإن كنت شاعر فالشعر في ضعونه


ماهو سبب لكـنـّها عدة اسباب
الشعر من عهد العرب يقرضونه


اضمـّر لهذا البيت تقدير وإعجاب
بيتآ بني للمعرفه في ركونه


ابيات مثل السيل يا طـيـّب البال
والــّي ضميره نام خابت ضنونه


والله ماخطيت شعري للالقاب
لكن اجيد الشعر واعرف فنونه


يامرحبا بالشعر وإن جاب ما جاب
لنا في ابياته معاني جنونه


الشعر بستانآ وبه ورد واعناب
من يزرعه ومن الذي يقطفونه

مثل الحمام ارسلتها جتكم اسراب
ابيات معها ورد ما لت غصونه


صلوا على المبعوث ياكل الاحباب
المصطفى كل البشر يعرفونه


من سار في نهجه فلا شك ما خاب
يارب تكتبنا مع الــّي يجونه


يا الله طلبتك رحمتك وإنت تواب
تغفر لمن لجلك بتذرف عيونه