شاب طالع من المتوسط
وراح لابوه يتنطط



بابا جبلي سياره
مثل اصحابي فالحاره



وانت توعدني كل عام
وكلامك كله اوهام



ان كان مانت بناوي
امي حتسوي بلاوي



وانت تعرف كل شي
إذا زعلت منك مي



ياولدي خلينا اصحاب
وقوم اقفل ها لباب



إنت لساعك صغير
والسواقه شي خطير



وانا ظروفي صعبه
والسياره ما هي لعبه



على سـّنك لسا بدري
وعن المشاكل ماتدري



إذا خلــّصت الثانويه
اوعدك بسياره هديه



وفكــّنا من شر امك
كفايه همي وهمك



صاح الشاب بابا كفايه
هلكتني بها لروايه



جات الام تقول ايش فيه
قال ولدك الله يهديه



قام الاب وقص القصه
وماسك في حلقه غصه



زعلت وقالت للاب
انت عارف ولدنا شاب



اشتري لحبيبي سياره
من إيرادات العماره



ولو ماحصل هذا كلـّه
والله لابيع لك الفلـّه



خاف المسكين ووافق
بعد ما حس بالخافق



شراء سياره للشاب
وكانت بداية خراب



صار يتأخر فا لدراسه
ويجيب اعذار من راسه



طول اليوم مع الاصحاب
ويقول انا عند الباب



وفي يوم جات الاب رساله
تقول ترى ولدك عا لنقاله



انشل الشاب في حادث
وكانت من الكوارث



والاب انهارة اعصابه
وصابه من الهم ما صابه



والام جاها وسواس
وانعزلت عن كل الناس



الاولاد من الله نعمه
ولكن دلعهم نقمه