ودي اموت اليوم واعيش باكر
عندمايكون الغدرحدث من احداث حياتك اليوميه والحزن كاالعباده واجب عليك...عندها فقط
(ودك تموت اليوم وتعيش باكر)
ودي اموت اليوم واعيش باكر
واشوف من هو بعد موتي فقدني
ومن هو حملني لين ذيك المقابر
واشكر انا كل من كرمني ودفني
وبشوف يرثيني انا كم شاعر
ومن هو تركني وماكتب شي عني
شخص تعني لي مع انه مسافر
وشخص قريب وانا ميت طعني
وشخص يمثل دمعته ماهو قادر
وشخص تطيح دموعه كل ماذكرني
ومن هو من اهلي في العزا كان حاضر
ومن هو دعا لي في صلاته ورحمني
ومن هوبنا باسمي سبيل ومنابر
ومن هويفز قلبه الامن لمحني
ومن هوعشاني طول الايام ساهر
ومن هوثلاث ايام راح وتركني
ومن هو يرتب غرفتي والدفاتر
وان شاف صوره لي مات وحضني
ياالله عسى ماتخفي كل المشاعر
وياالله عسى ماينصدم يوم ظني
خايف يروح العمرواكون انا خاسر
وان طار طيري مايفيدالتمني
وخايف يجيني وقت اكسر خواطر
ان دارت الدنياوزماني كسرني
ومادام هذي الدنيا صارت مظاهر
وكل من على كيفه وجوه يغني
صحيح مسلم لكن الهم كافر
كل مابغيت اضحك يهددني حزني
الضيق وافي والحزن حيل وافر
والجرح اكثر شي شفته يحبني
عايش وميت بين ماضي وحاضر
والصبر مفتاح الفرج ضاع مني
قل وش تبي وتتركني باحزاني امر
مسكين فرحي تصدق انه وحشني
شاعر....ولكن ماني شاعر
رد مع اقتباس
