بالنسبة لهالحلى مرره لذيذ ..

رغم إني نادرا مايستهويني حلى فيه كيك ..

لكن هذا شيء تاني

نبدأ مع بعض المقادير

الطبقة الأولى




3 بيضات
علبة زبادي
كأس دقيق
نصف كأس سكر
نصف كأس زيت
ملعقة صغيرة نسكافية
ملعقة بيكنج باورد
فانيليا

أول شيء حطي البيض ورشة فانيليا واخفقيهم بالخفاقة الكهربائية الين تزبد - حشى~ جمل خخخخخ

وبعدين حطي الزبادي واخفقيهم مع بعض الين تتجانس ..



بعدين حطي بقية المقادير وأخفيقهم مع بعض



واخر شيء تحطينه الباكينج باودر ( طريقتي كذا انتوا براحتكم



جيبي صينية ( إستخدمت بايركس ) مدهونة بزيت وحطي فيها الكيكة وساويهم زين ودخليها الفرن




الطبقة الثانية



باكيت بسكويت شاي
ربع علبة نستلة مركز

أول ماتطلعين الكيكة من الفرن اسقي الكيكة بالحليب وبعدين كسري عليها البسكويت كسر متوسطة



والطبقة الثالثة



خذي باقي علبة النستلة

مع 6 حبات جبنة كيري واخلطيهم

( أول شيء جبنة الكيري عشان تذوب زين .. بعدين حطي النستلة )




وبعدين غطي فيهم الطبقة الثانية ودخليها الفرن




لكن من غير نار .. خليها ع الحرارة السابقة .. عشان كذا قلت لك جهزي الطبقتين

وقت ما الكيك في الفرن عشان ترجعينها الفرن ولسا مابرد

وخليها الين تتماسك الطبقة الثالثه
<<<<<<<<<<< اذا ماتماسكت معاك شغلي النار داخل الفرن من فوق بس وبعدين حطي الكيكة الين تتماسك بس

وقت ماهي في الفرن برضو .. سوي الطبقة الرابعة( لازم لها شوية دقة



باكيت كريمة كراميل

نصف كأس ماء

ملعقة صغيرة نسكافه



حركيهم ع النار الين تغلي



وشيلهم بعيد عن النار واجلسي حركيهم الين تحسين الخليط بدأ يبرد

إنتبهي ماتبرد مرره عشان ماتتقطع عليك

وحطيها على الطبقة الثالثة .. خليها شوي برى الين تفتر وبعدين دخليها الثلاجة تبرد



وإذا بردت قطعيها .. صغار وحطيها في ورق بليسيه

وبعدين بالعافية على قلوبكم


تحياتي لكم