السلام عليكم اعضاء منتدانا حبيت اقدم لكم قصيدتي هذه واتمنى ان تحوز على رضاكم



ياعود شفــــنا حلم وسـط الحـــــلومي--= حلم يخلي صــــاحي الفـــــكر مـرتاع
والحلم الاقشر صار ضمن الهـمومي--= ماعاد يصــــــلح بين الاثنـــين يـنذاع
والجسم عـــاري لو عليه الـهدومي=-- والناس يابن الناس شاري وبــــــــياع
والذيـــب ذيـــب ولاتحده حــــزومي--= صاحي فكر وعن دربه العام ماضــاع
ادري واقـــــــدر كل رجل عـزومي --=اللي يوفي مدة الصــاع بــــــــالصــاع
وما كل من وقف يســـد اللـــــزومي--= ولاكل بــــرق يتبعه ســـيل مربــــــاع
ماني مساير في عــــلوم الرخـــومي--= اللي سوالفهم مثل عــــــــــــجة القـــاع
اللي فعايـــلهم بقطــــع اللـــــــحومي--= هذاك يمســــــــــــــكله وهذاك قطـــاع
ياليت للطيــــب تحط الرقـــــــــومي --=من شان نفرق بـــــــــين مانع ومــناع
وان عودت ياهيه دفـــاع وهجــومي-= حطيت ميسمها على كل الاضــــــلاع
والرجل عن بعض المواقف يشومي --=ولاني على بعض السوالــــيف فــزاع
يـــــــالله تخلي كــــــل حر يـحومي--= وراع الوفا نمضي له بروس الاصباع