سافرت بالدنيا وشفت العجايب
اعضاء منتدانا الغالي حبيت اطرح
لكم قصيدتي هذه اتمنى ان تحوز على رضاكم
سافرت بالدنيا وشفت العجايب
دنيا تصافق بي من العرض للطول
دنيا غريبه كلبوها غرايب
لو القدر فيها مقدر ومجهول
سافرت فيها شاب واليوم شايب
ماقد صفت لي ياجماعه على طول
ياما مع الايام سقنا الركايب
نسري بها ياذيب حول بثر حول
تحت الشموس اللي سواة اللهايب
في موقع ظله من الشمس معزول
واحيان تحت مروحات السحايب
يرتاح بالي لانزل رش هملول
وقت مضى ياذيب تحت النصايب
اليا ذكرته يصبح البال مشغول
عن سجة للبر ماني بتايب
بارض قفر توه من الغيث مسيول
عشبه مغطي دعبها والجذايب
توه قفرماطقها نبت سملول
تداعب الغيمه هبوب الهبايب
بارضٍ خلاء ماداج فيها ولازول
عن واجبي بالطيب ماني بغايب
مدام راسي فوق الامتان محمول
لو ان فعل الطيب عود شوايب
كلن بهذا الوقت حاكم ومسؤؤل
رد مع اقتباس
