سوّت بقلبي معارك
يا طير يا اللي بحايـل طـرت
ارجـوك سلـم علـى نـوره
لا جيـت بيتـه وفوقـه درت
دوّر مـن اجلـه مـيـة دوره
وكانك لها با الجنـاح اشّـرت
تفهـم مـرامـي ودسـتـوره
سوّت بقلبـي معـارك سـرت
حرب الكتايـب مـع الثـوره
فتحت له فـي خيالـي كـرت
الاسـم والصـوت والصـوره
ماحيّر البـال حتـى احتـرت
وما طلّع الهجس عـن طـوره
الاّ جمـالـه لـيـا نـاظـرت
ارد والنـفـس مـقـهـوره
من شانها في حياتـي جـرت
وجـارت وانـا قابـلٍ جـوره
روحي معه لين صرت وصرت
اخشى الهواء يجرح شعـوره
زانت لي بكـل شـي وغـرت
من عشقها الروض وزهـوره
وانا لها من صميـم اختـرت
لنّـه بـا الاشـواق مغمـوره
عشقي لها اصبح شرار وشرت
يحرق من الطيـف وعطـوره
يزهى عليهـا لبـاس سبـرت
وتزهـي بـلـوزه وتـنـوره
وكاني لدرب الغـرام اجبـرت
لـو تحـرق القلـب معـذوره
يا طير يا الي بحايـل طـرت
ارجـوك سلـم علـى نـوره
رد مع اقتباس
المشاركة الأصلية كتبت بواسطة السراب
