صفحة 1 من 3 123 الأخيرةالأخيرة
النتائج 1 إلى 7 من 21

الموضوع: عوض الحلقة الثانية

العرض المتطور

  1. #1
    مشارك فخري
    تاريخ التسجيل
    Jun 2008
    المشاركات
    509

    افتراضي عوض الحلقة الثانية


    السلام عليكم ورحمة الله وبركاته



    نكمل معكم الحلقة الثانية

    لم اخذ عوض النتيجه سال ضيف الله هل نجحت قاله ايوه وانت قال عوض نجحت بتقدير ممتاز لاكن خلني باروح أسال عن خلف (خلف هذا صاحب عوض

    الروح بالروح واخو حمدة التي بي يتزوجها عوض ) لقي خلف قاله نجت قال لا رسبت في الرياضيات

    زعل عوض اكثر من خلف لانه يبيه ينجح حتي يسافرون سوى ومنها يتقرب من حمدة

    المهم جاء ضيف الله وهم محزنين وقال وش فيكم ما نجحتم قال عوض اسكت ترى خلف رسب في الرياضيات

    قال الله يعينك ما بتروح معنا نتوظف انا وعوض ناظر فيه عوض وقاله من قال انك بتروح معي قال الوالدة

    البارحة تسولف للوالد وتقله اذا نجح ضيف الله نرسله يتوظف مع ولد عرفه (عرفه هذي أم عوض )


    هنا سكت عوض لان لا محاله سوف يسافر يعني يسافر لان عمه علي ما يقدر يقول لام ضيف الله

    ولا كلمه قامو وركبو الوايت ونتعه عوض واشتغل مر على بيت ضيف الله ونزله بعيد عن البيت

    ومر بيت خلف ونزله وقاله نتقابل العصر روح عوض البيت وعلى طول على ست الحبايب سلم عليها وعلمها

    وباركت له بالنجاح وراح لجدته يعلمها مو لله بس على شان اذا استلمت الضمان تعطيه وحصلها تصلى الضحى

    واستناها الى ان خلصت الصلاه وعلمها قالت له خلاص ما دام انك خلصت الدرسة تجي يوم الثلوث توديني

    استلم الضمان قال عوض ابشري ان شاء الله انا اصحيك لصلاة الفجر مو موضي العجوز صماء ما تدري وش


    يقول عوض رجع عند امه لقيهم يتقهوون موضي ومعيض (اخوه الى بعده ناجح من اول ثانوي شيطان رجيم

    مصيبة ويدخن بعد بالدس وعوض يدري عنه بس حيل الله اقوى يخاف منه ) وصالحه (اختهم الصغيره )

    وقال لأمه وين جعفر يعني (ابوه) يمزح محد قده ناجح قالت موضي بسرعه راح لشرطه عند سعيد يشتكي

    واحد متاخر في الاقساط (مقسط سيارات) هنا ناظر معيض فيها وقالها يعني ما فيه الا سعيد في المركز هو ووجه تقول بقايا

    بركان (لان جاه العنقز وترك فيه حفر من اثر الحبوب) قالت امه حرام عليك وعوض يضحك وهي تقوم

    موضي وتبكي هنا دخل جعفر (ابو عوض ) قالت ام عوض ترى عوض نجح قال الحمد لله هي روح يامعيض

    وجيب ثلاثه تيوس وودها المطبخ خلهم يسوون عشاء اليلة واعزم الجماعة أي واحد تلقاه تقله العشاء عندنا وانت

    يعني عوض روح عب مويه لبيت عمك علي هنا غص عوض في بسكت قشطه ابغي يموت قال انا بروح اجيب

    التيوس وخل معيض يعبي لعمي قال لا عمك يقول يبغاك وبعد الظهر روح وعب للمطوع (المطوع هنا هو ابو



    خلف وحمدة) قام عوض وراح ينتع الوايت بسرعة علشان يعبي للمطوع قبل عمه ويشوف حمدة وابوها في

    المسجد المهم وهو يلبق علشان يعبي البركه الا يسمع صوت مبحوح ارجع ارجع الا وهو خلف عرف ان ما فيه

    امل يشوف حمدة قعد يسولف هو وخلف الى ان خلصت المويه وراح للمسجد وصلى الظهر وبعد الصلاة راح

    يعبي لعمه طلعت زوجت عمه وقالت وينك من اول قال الوايت كان خربان قالت كذاب قبل شوى عبيت لبيت

    المطوع المهم عبى وقاله ضيف الله تعال ابوي يبغاك ودخل على عمه قاله الف مبروك على النجاح وترى كلمت

    عمك احمد (جندي حاف في خشم العان) في الرياض ويقول ارسلهم وانا اوظفهم في الحرس الوطني عندي

    طلع من عند عمه وخلف يقوله متي بنروح علشان اجهز الشنطه ناظر فيه قال اسال امك لان هي التي تقرر

    قال خلف طيب عندكم عشاء اليلة شفت المسمار يشيل تيوس (المسمار معيض لانه نحيف جدآ ) قال ايوه وقل

    لعمي يجي اليله ويمكن ابوي قاله في المسجد بس تري العشاء لرجال علشان ام ضيف الله ما تجي وراح للبيت

    وقاله ابوه وش يبي عمك قال بيرسنا عند عمي احمد في الرياض يوظفنا وانا والله ما ابي اتوظف ابي اكمل في

    الجامعة قاله ابوه خلاص شفلك جامعة وسجل فيها


    وفي اليل حضرو الجماعة للعشاء وجلسو يسولفون في امور الحياة هذا يتكلم عن خرفة السدر والثاني

    يتكلم عن ايام الغابر والثالث ينصح بعدم التعدي على الجار واخر يقول خلونا بكرة نروح نسلم على فلان يقولون

    محموم والصغار والشباب يتسمعون الي يفيدهم مو الحين ماغير الاسهم ضيتنا وانا خسرت فيها وما يدرون ان


    كل شي بسبب من الله تعالى وولد فلان ما فيه خير كب الوظيفه (وهومسكين قعدوه من الوظيفه بسبب ان عنده

    نيميا حاده )


    وانا اشتكيت فلان علشان دعس غنمي وينط واحد من اخر الجلسه ويجيب الغايبه قال يقلون عبدالله

    (جاره الباب بالباب) منوم في المستشفي واظن ان عنده سرطان وهو ما قام له بزيارة بس يسمع



    ((تفكك اجتماعي طغى على حياتنا في هذا الزمان وقيام الحسد بكل أنواعه المستعصية على التسامح ))



    الله لا يبلانا ..................................................نكمل في الحلقة القادمه

  2. #2
    مشارك فخري
    تاريخ التسجيل
    Aug 2008
    المشاركات
    232

    افتراضي رد: عوض الحلقة الثانية

    معاك إلين تخلص هلقصة
    الجميلة
    في أنتضارك
    لاتتئخر بسرعة مشكور

  3. #3
    مدير عام
    تاريخ التسجيل
    Jun 2008
    المشاركات
    25,249

    افتراضي رد: عوض الحلقة الثانية

    مدري متى بيغيرون بطارية الوايت

  4. #4
    مراقب فخري
    تاريخ التسجيل
    Aug 2008
    الدولة
    الدمـــــــام
    المشاركات
    2,154

    افتراضي رد: عوض الحلقة الثانية

    اقتباس المشاركة الأصلية كتبت بواسطة النبراس مشاهدة المشاركة
    مدري متى بيغيرون بطارية الوايت
    ههههههههههههه

    ملاحظه جميله في قصه جميله

    ننتظر التكمله

    دمت بود

  5. #5
    مشارك مهم
    تاريخ التسجيل
    Aug 2008
    المشاركات
    1,135

    افتراضي رد: عوض الحلقة الثانية

    بارك الله فيك بانتظار الجاي

  6. #6
    مشارك
    تاريخ التسجيل
    Aug 2008
    المشاركات
    47

    افتراضي رد: عوض الحلقة الثانية

    وين القصص هذي من زمان

  7. #7
    عضو مجلس ادارة
    تاريخ التسجيل
    Jun 2008
    المشاركات
    24,058

    افتراضي رد: عوض الحلقة الثانية

    وراك وراك يااااااااسرداااااااار

صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. برنامج..ذكرى..مؤثرجداً..
    بواسطة الرادار في المنتدى منتدى اهل السنة والصوتيات والفديو الديني
    مشاركات: 9
    آخر مشاركة: 24-08-2010, 10: AM
  2. الحلقة الرابعة ((عوض))
    بواسطة زين الجابر في المنتدى منتدى القصة والروايات
    مشاركات: 14
    آخر مشاركة: 13-04-2009, 10: PM
  3. ((عوض)) الحلقة الثالثة
    بواسطة زين الجابر في المنتدى منتدى القصة والروايات
    مشاركات: 19
    آخر مشاركة: 13-04-2009, 10: PM
  4. للمرة الثانية: السعودية تحول تأخرها بفوز مثير على الإمارات بتصفيات المونديال
    بواسطة علوش في المنتدى المنتدى الرياضي العام والرياضات العالمية
    مشاركات: 4
    آخر مشاركة: 02-04-2009, 11: PM
  5. الحلقة الثانية (رجل انار العالم)
    بواسطة شيخ بطيخ في المنتدى منتدى الشخصيات والمقابلات وحماة الوطن والتوظيف
    مشاركات: 4
    آخر مشاركة: 18-10-2008, 03: PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •