لا تـبـتـسـم والـقـلــب قــبـــل ابـتـسـامــك
يــرقــص طــــرب ويـغـازلــك وإيـتـمـنّــاك

طـيّــرت فــــي جــــو الـمـحـبـه حـمـامــك
حام ونـزل سربـه علـى السـدر والـراك

ركــــزت مـابـيــن الـمـحـانــي حـســامــك
زدنــي طـعـون وضـيــم مـــادام يـهـنـاك

يرضي غرورك خضعة الـراس امامـك
يـحـق لـــك . زيـنــك يـنـسّـي خـطـايـاك

عيـنـك خطـيـره يـــا مـصــوّب سـهـامـك
مــن دم عــرق القـلـب حنّـيـت يـمـنـاك

تمـثـيـلـك انّـــــي مـاخــذيــت اهـتـمـامــك
يمشي على غيري وانا اعرف خفاياك

اقـــــــرا بـنــظــراتــك مــعــانـــي كـــلامــــك
تظـهـر حـروفـه واضـحـه عــن نـوايــاك

هــــــذا بـرسـتـيــجــك وهـــــــذا نــظــامـــك
تقـتـل وتمـشـي فــي جنـايـز ضـحـايـاك

خـمـر الـهــواوي تـحــت طـرقــة لـثـامـك
سجّـل حضـوري حـول روعـة شفـايـاك

حــاول تـجـمّـل واسـقـنـي مـــن مـدامــك
عمـر الهـوى فـرصـه وانــا ودّي ارواك

مـن كثـر حبـي لــك عشـقـت احتـرامـك
وانـت القمـر فـارق علـى كـل الافــلاك

شمعة جبينك . ضحكتك . وانسجامك
كـنّـك تبشّـرنـي عـسـى الــلاش يـفــداك

احتـار واعـجـز كـيـف اوصّــف قـوامـك
دمـــار شـامــل يـسـلــب الـعـقــل فــتّــاك

كان انـت سالـي مـا سطـا بـك هيامـك
لــومــي عـلـيــك ويـاصــلــك وإيـتــعــدّاك

وان كـــان محـسـوبـك غـــلاك ومـرامــك
أقبل هـلا بـك وإرخـص العمـر لرضـاك