هيبة أمير ورقة طفل
هيبة أمير ورقة طفل
كنت بين الحضور أحمل عفيف الغزل ... وأشربه عشق مايرويني إلا ظماه
جيت على طموح يعتريه الخجل .... وقلت برجع لنفسي وأثري أمشي وراه
وابتدى سيدي..ولحن الخلود أكتمل ... ولفني غيم لايمطر ولا أحد يراه
وابتدا يرضي أحبابه ورمشي غفل ... بين صحوة منام وبين حلم دعاه
ارفع الصوت ياشاعر وخل الأمل ... يذبح المستحيل ويدفنه في ثراه
لا غدى صوتك الفارس وشال الحمل ... أوقد الحرف نار..وتشتعل ألف آه
وهاك فل الجديل الضافي المستهل ... وزينه بالقصيد وخل يبرق سناه
وهاك عود رفيع تلمسه يشتعل ... يحترق في هواك ولا شعرت بدفاه
تسقي الضيف هيلك والدخيل انقتل ... في حماك احتمى ولا بيح اللي خفاه
كيف ترميني اقداري بسطوة رجل ... أدري أني فقدته قبل لا أبدا معاه
فيه هيبة أمير وفيه رقة طفل ... يحتضر ألف معنى قبل يوصل مداه
جيت له طفلة حذرة قلب سهل ... مانويته ولكن كل عمري نواه
رد مع اقتباس
