بين مّر الجروح وبين هم المـــفارق
.........................اجتمع كل حزني فالعيـــون الحزينه

كن عيني غيوم وطاري البعد بــارق
.........................وكل بارق تهل العين دمـــعه غبينه

لين حتى الجفون بـ دمع الاحزان غارق
.........................والغلا في جفـــوني مالقـاله سفينه

سبة الغالي اللي من حشا الجوف سارق
.........................قلب ماخذه من جوفي براحة يديـــنه

حبه بوســـط قلبي راكزٍ له يبارق
.........................كــل بيرق بصــــــــادق حبنـــــــا عامرينه

مير خلي جرحني جرح بالقلب حارق
.........................وصرت اردد لـ اجل عينه نكّرم مدينه

وتعب حالي من التررديد والجرح خارق
.........................ما يفــيد التداوي فيه من ضامدينه

كن جرحي بقلبي غصن و الغصن وارق
.........................والجـــفا كنه ساقي للغصون اللعينه

ارفق بقلب شخص في محـبتك غارق
.........................لا تسمّع بـ هرجٍ فــيه من حاسدينه

وليت مّر الجروح وليـت هم المفارق
..........................ما اجلبت كل حزني فالعيون الحزينه