الوقت يحداني على شي مقواه
وشحيلتي مادام وقتي حداني
كم شي أجامل به وأنا كنت مبغاه
وياكم وقتي من ضروفه عصاني
أحيان أقول المر ياناس محلاه
وأضحك وأنا من صاب بين المحاني
كم شخص لو ودي بهجره وفرقاه
أصبر ولو وقتي بوصله بلاني
كم واحد(ن) يخطي ولبحث خفاياه
أستر خطى المخطي وراجع لساني
... ورفيق روحي ماتبحث نوا ياه
أصبر ولو عشري تعود ثماني
وصبر على جرحي ودورله دواه
وقول أنا مرتاح والعمر فاني
ولا عمري أحسد واحد(ن) ربي أعطاه
دنياك والله ماعليها ضماني
العبد ماينكر مقاسيم دنياه
يصبر على ماجاه طول الزماني