تابوت أمنياتي..
ان قلت: كيف الحال! رديت لك زين
وأنا لي سنين آتزين ولا زنت
وأن قلت:منهو أنت ؟ ماجاوبك لين
تصبر علي لحظات اسحب لك ( برنت )
يمكن أنا انسان ماله عناوين
ويمكن انا اوهام للحين ماكنت
ارجوك لاتسأل على وين ومنين
عشان عينك غبت ولخاطرك بنت
عرفت كل الانظمه والقوانين
حتى تعلمت الخيانه .. ولاخنت
أمشي مشاويري ولا ادري على وين
اطرد ورى خيط الامل ماتمكنت
لو يدري يوم السبت ماخبا الاثنين
ماشفتني أشرب من الصبر وادمنت
ويوم الامل يسكن عيون المساكين
دفنت تابوت امنياتي وحزّنت
وصبرت اكابر لين ذقت الامرين
وعزيت نفسي للملا ماتمسكنت
انا .. وقلبي .. وانكساري الى الحين
ندفع ثمن اخطآئنا والسبب انت
غابت سنينك صرت من فوق عشرين
وانا ليا من مر يومي تجننت
ذنبي وذنبك يوم كنا مجانين
ليتك قسيت بوجه حبي ولا لنت
عمر الاهانه ماتطول العزيزين
(ولا انهنت لاكني احس اني انهنت)
مما راق لي.......
رد مع اقتباس
المشاركة الأصلية كتبت بواسطة عبدالمحسن
