مابقى للحلم سعي ولا طواف
.................لو ظلوعي ورد وانفاسي رحيق
ما لقيت لنابض شعوري ضفاف
..........وصرت اموت بداخل احساسي غريق
اكتب الغايه وهي صعبه تشاف
..................الفجوج اوساع لايمكن تظيق
تحت جنح الليل كاسيها لحاف
................... ما تبين الا لعساس الطريق
من وسوم الطهر ياخذها العفاف
...........في حجى شيخ ٍ من المنسب عريق
صورة ٍدايم لها صدري غلاف
......................انتنهد / واتنفسها شهيق
لا زبن روحي من ايامي خلاف
.............من دفى الاحساس نرسمها حريق
وان درج سيل المشاعر للجفاف
...................ارتوى منها سماي وبل ريق
جيت اقول لضايق الصدر اعتراف
...............مايجيك الضيم لو مالك شقيق
خذ كلام ٍ مايجي فيه اختلاف
..............المواقف لـ احتمت تصنع رفيق
.
رد مع اقتباس
رد: خذ كلامي,,
المشاركة الأصلية كتبت بواسطة الكناني
