جامل لو أن الوقت قاسي على الحال
الصبر مفتاح الفرج والمسره

وشتال حملك لو مسافاتك الطوال
وصبر على وقتك ببرده وحره

وبعد عن دروب المهابيل الأنذال
يضيق صدري كان شفتلك جره

وخللك مابين الأجاويد منزال
وأخذ مع الأيام كره وفره

وطيب خله رأس من روس الأموال
وبعد عن الصعلوك خيره وشره

وخل المقفي لو طرالك على البال
لانافعك لن جاء ولابه مضره

ومالك ومال الي على القيل والقال
الصدر عن بعض الأقاويل زره

وصبر على الزلات لو جاتك ثقال
وحذر على زلت رفيقك تشره

ودنياك هذا حالها ألوان وشكال
والوقت متغير بحلوه ومره