في خاطري كلمة ويمكن تبكيك
ابيك تسمعها / . دقايق عشاني


وشلون ما أحبك ولا عدت مغليك
وانت الدوا لـ انسان دونك يعاني


وشلون رحت وكل صوتي يناديك
ياهيه اسمعني ترى العمرفاني


ماقلت لك من قبل ماني مخليك
ياكيف تنساني وقلبك نســـاني؟


كتبت لك في صدر الايام ابغيــك
وكتبت لي خلاص غيرك خذاني


حتى جدار الصمت لو التفت فيك
بكيت من صمته وضيق الـــثواني



عشقت كل لحظات عمرك وماضيك
ومعك : عرفت ان الأماني .. أماني


وسويت لك في داخلي شي يرضيك
وان كان مايرضيك سويت ثانــــــــــي


نزعت فرحت خاطري ليت تكــــــفيك
وزرعتها في داخلك ماكــــــــــفاني


ضحكت لك وآنا من الحزن أســـــليك
وحبست دمعي لجل أقدم حــــــناني


وصديت وقت الضيق مابيك مابـــــــيك
تشوفني أضحك وأنا اللي أعــــــــاني


ياهالزمن تكفى طلبتك - وأراجــــــــــيك
لاتبخل ب وصل الحبيب الأ نــــــــــاني


قد قلت له : مقدر أفارق و أحــــــــاتيك
وقد قلت له : هـ البعد ياما كــــــــواني


لكن حسافه كل صـــــــــــوتن يطريك
ياما معا نفسي ذكــــــــــــرتك أغاني


بايديك كل اللي حصــــــــل ايه بايديك
بديت احسك شي خــــــــــارج زماني


ودامك زرعت انسان غــــيري بأراضيك
فأنا ماحب يكون غيري مــــــــــــكاني


بتغيب غيب ولكن اسمع محــــــاكيك
قبل السفن تنوي بهجر المـــــــــواني


في خاطري كلمة ويمكن تبــــــكيك
ابيك تسمعها دقايــــــــــــق عشاني