قصيدة للعبره والموعظة
نزعل ونتكبّــر وحنا من الطيـــن
والكل منا صــــدّ لا أقبل خويّــه..!!
نفخر نقول إنا على الصد قاوين
وهيّ علينا في الحقيقـة قـويه..!!
ننسى نهايتنا وعلى وين ماشين
وننسى الزمان أللي جمعنا سويه..!!
المشكلة ماهي بحاجة لتخمين
ولاهي بعد ياناس صعبة القضيه..!!
دق الرقم كيفك هلا فيك وأهلين
أنا الخوي أللي مزعّل خويه..!!
قلّه تغيب وصورتك داخل العين
ويبقى لحبك في خفوقي بقيه..!!
أخوان حنا لو يجي بيننا شين
و مانفترق دام المحبة نديه..!!
خلك قوي لا تحتكرك الشياطين
قبل الفوات وقبل وقت المنيه..!!
كلّم اخوك باطيب الهرج واللين
وأعرف جميل الهرج يمسح رديه..!!
هذي هي الدنيا من الحين للحين
لابد بين الناس تحصل خطيه..!!
ومن لايقدّر غلطة أحبابه الحين
يقرأ حروفي ويعتبرها هديه..!!
باكر تمر سنين وسنين وسنين
والكل يرحل في الدروب المديه..!!
صدقني تندم وأذكر حروفنا زين
تندم على خلك إذا غاب ضيّه..!!
دنيا غريبة وأكثر الناس ماشين
وكم صاحبٍ والله دفنته بيديـه
رد مع اقتباس
