اشعار فيها حكم
الشهر يمضي ماتقل غير يوميـن
واليوم مثل الساعه اصبح حسابه
القلب غافل واكثر الناس لاهيـــن
ماحسّبوا والوقت فيه انقلابـــــــه
دنيا تقلب كنها أرماشت العيـــن
شوفو طريق الدين وامشوا صوابه
وش عاد لو عندك أبيوت وملاييــن
ماينفعك والدّين صكّيت بابــــــه
الموت مايرحم شباب ومسنّيـــن
مات الرسول ومات كل الصّحابه
العمر فاني واكثر الناس سالين
سالين بين الغشمره والدعابـــــه
احدٍ على تويتر على الزّين والشّين
واحدٍ على الواتس آب ماحدٍ درابه
واحدٍ على البالرنقو اصحابه الفين
يملك غرف للدردشه والكتابــــــــه
مابين نسخ ولصق يرسل عناوين
لين الجهل والغي ضيّع شبابــــه
واحدٍ مشى في هالبرامج على الزين
يرسل رسايل دين والخير جابـــه
نصيحتي قدمتها للفهيميــــــــن
قدمتها والعبد يعرف صوابـــــــه
مايحس بالرّاحه ياغير المصليــــن
يامسلمين الله خافوا عذابـــــــــه
خلوا مماشيكم على الخير والدين
قبل القبر ينسف عليكم ترابـــــــه
-----------------------------------
لا تنشغل بالوقت برده وحره
واحذر تصير بقسمة الناس مقهور
وحكم القدر لاجاك خيره وشره
أشكر عظيم الشأن والذنب مغفور
والمجلس اللي يزعجك لا تمره
خله تراك بشوفته منت مجبور
سـاعـات صمــتٍ ما وراها مضــره
تسوى الكلام اللي به إذنوب وشرور
أطلق خيالك وأترك النفس حره
وخل الطبيعة في حياتك لها دور
وبالليــل لا بانــت نجــوم المجــرة
أذكر بديع الخلق بـِاحـساس وشعور
رد مع اقتباس
