البخل وصمة عار في وجه راعيه
والجود يبقي صاحبه رافع الراس

مات البخيل وضاع مالٍ تعب فيه
ومات الكريم وعاش ذكره مع الناس.


---------------------------------------

البخل طبع مستحيل علاجه
.....والجود طب لكل الامراض وعلاج

جيت الرفيق اللي بشوش حجاجه
.....اللي حزات الرخاء مثل هداج

قال العلوم قلت طلاب حاجه
....حاجة يسيره ماهي تكاليف وحراج

ان كلفت يكفي العذر والمواجه
...وان كان جت من يسر صاحبك محتاج

واومى براسه مثل راس الدجاجه
....وهزالمتون وراح وجهه كما الصاج

وقفيت من عنده مطفي سراجه
.....ولي حاجة مااعطيتهاكل هراج

عرض العلوم لغير اهلها سماجه
.....والصاحب الطيب له الدرب ينعاج

وكم ضيقة ياتي بعدها انفراجه
....ياليت كل اصحابنا مثل سهاج

الصاحب اللي مايعكر مزاجه
.....ولا حطله كثر المعاذير منهاج

ولا الردي صيده يضيع بعجاجه
.....ماتسبقه في سرعة الروغ ميراج

____________