قطرات دمع العين من بين الاهداب،
همالها ..يشبه مزون...السحابه؛؛

تبكي على من يتعب القلب لاغاب،
ساعة فراقه ...تمتلكني الكآبه؛؛

كفاك يادنيا بتفريق الاحباب،
تري غيابه مثل موتي. تشابه؛؛

بالأمس ودعت المسافرعلى الباب،
والدمعه وعيني خصام وحرابه؛؛

الدمع وده يحرق الجفن ماهاب،
والعين تترجاه.. خوف ومهابه؛؛

ماودها قدام ..الاطفال تنعاب،
الطفل مايعرف خطاه وصوابه؛؛

لاشاف دمع العين بيقول كذاب،
يفكر ان دموع ...عيني دعابه؛؛

مايدري ان البعد ذابح وغلاب ،
ويخلي الانسان يفقد صوابه؛؛

واقفيت متوجه على قبضة الباب،
وهليت دمع العين ...قدام بابه؛؛

فرقا علي اشد من لدغة الداب،
واشد من قهر الرجال وعذابه؛؛

استودعك رب الملا رب الارباب،
الواحد اللي مايخيب الرجا به؛؛