صدمات مرت بي .....وخلتني اغيب
عن الشعر وبحوره.... ووزنه وقافيه،،،

صدمه قويه اجبرت ..شمسي تغيب
واهملت حبك الشعر واسمى معانيه،،،

وفاة عمي راعي .....الجود والطيب
ذاك الكريم اللي ...حميده مساعيه،،،

مايعرف الزله ويرقى ....عن العيب
تبكيه عين وعين ......تفرح بماضيه،،،

يارب رطب له .........القبر ترطيب
واجعل له الجنه .......تبيه وتناديه،،،

وموت ابنه عذب ......القلب تعذيب
ابنه محمد ذاك..... .ياحي طاريه،،،

له ابتسامه مارضت ...عني تغيب
اتخيله قدام .........عيني واناديه،،،

خلوق عند الناس ....ماله عذاريب
بالقلب ادعي له .....وبالعين ابكيه،،،

الموت حق بدون .....شك(ن)ولاريب
والحزن في الانسان يجري مجاريه،،،

يارب ياللي لدعوة ....عبادك تجيب
من السلسبيل ....العذب يارب تسقيه،،،