ليل المحبين

ياهاجسي مالي وما للطويله
ياهاجسي اقصر علي المسافات


فيني زرعت الحب وهذا حصيله
يومي على التفكير وبالليل مابات

قلبي خذاه ابوالعيون الكحيله
اللي تغلغل داخل القلب بسكات

اللي ابتلى بالحب ياطول ليله
يصبح ويأخذ له مع الناس سجات

يبغى يداوي علة(ن)مستحيله
ويدفن جروح(ن)داميه بابتسامات

مايدري اني في المحبه قتيله
ياهاجسي وضح له اليوم بالذات

اني احبه واعشقه وانتمي له
وانا اتحملها على كيف ماجات

اذا زعل منه الزعل ياحليله
عسل على قلبي ولي فيه لذات

واذا رحل ارحل معه في رحيله
ارحل معه بالفكر والروح والذات

واذا رضا اشيل بالصوت شيله
لعيون من لبى ندائي بلحظات

صح لسانك اخوووو

عساك وسالم ولا عدمناك

دمت بوووود.......

تقبل شكري وتقديري

وفقك الله اخوووي

صح لسانك ياحمزه