ياسوريا بشار دنس ترابك،،
ابن الاسد لاوالله الا ابن الحمار؛؛؛

يفتك بشيبانك ويقتل شبابك،،
والحق بك انواع المآسي والدمار؛؛؛

صبراً جميل ويقرع النصر بابك،،
لك رب مايهمل عزيزٍ وجبار؛؛؛

يقدر يذل اليوم منهو غزا بك،،
اهل الخزي والذل كسّابة العار؛؛؛

ربي معك ياشام فيما اصابك،،
الرازق المنان والنافع الضار؛؛؛

ربي بياخذ من عدوك حسابك،،
يقدر يبث الرعب في جند بشار؛؛؛

ويقدر يزلزل من بليلك سرا بك،،
ويرسل عليه جنود تكويه بالنار؛؛؛

حنا معك ياسوريا في مصابك،،
بقلوبنا وارواحنا مالنا اعذار؛؛؛

لكن نشوف بعين تخرق حجابك،،
واليد ماتقدر تعدل بالاقدار؛؛؛

اللي حمى الكعبه بيحمي ترابك،،
هو من حمى محمد وابوبكرفي الغار؛؛؛