رسمتي الحب


ضؤك تحدى ظلامي وقت ماجيتي
ماصرت اميّز نهاري وين من ليله

اشعلتي النار في جوفي وصديتي
واشغلتي افكاري الي مالها حيله

جمعتي اشتات فكري ماتوانيتي
رسمتي الحب في قلبي بتظليله

وانا على حسب ظني يوم ناديتي
بالعشق والود مالك بعدها ميله

صدق المشاعر تلومك يوم ماريتي
في واديً للاسف ماسال به سيله

مشاعري سامحيني يوم عانيتي
طواني الوهم واظهر من يناديله

عشان صدقك حرمتك ماتمنيتي
واشعلت شمعة غرامك في مناديله