دمع الفتى ماهو ابد من هين
والنفس تلجى بالولي باريها

مايذبح الرجال دمعن بين
الا جروحن بالصدر صاليها

صفحة عمر ياخالقي قد طين
فاجعل جنانك العمر عاليها

والله حسيبه نحسبه متدين
راح وعلومه باقين طاريها

الصاحب اللي ميزته متزين
ثوب المراجل لابسن حاليها

مرحوم يالقلب العطوف اللين
والعين ماتبكي سوى غاليها

يابو وليد احروف شعري عين
عن وصف مابنفوسنا وخافيها

يرحمك ربي وانت جعلك حين
في جنة الفردوس تحيا فيها

ودمع الفتى ماهو ابد من هين
لكن نفسي شا نها لواليها

ابوشامي