احطك تحت رمشي لاغفيت ...


عزي لحالي صار مابين الحقيقه والخيال ...
اسابق الساعه وادوّر عالموده
مالقيت ...

احاول ارضي كل من حولي ولكنّه محال ...
اشقيت روحي فالمثاليه ولايوم
اهتنيت ...

مليون اجابه في خيالي تنتظر هذا
السؤال ...
وإلا سؤالي منتظر مليون اجابه
مادريت ...

ياليتها ماهي مثل ماقيل مافيها
مجال
ترجع سنيني ياحبيبي وارتوي بك لاضميت ...

نعيش في وادي مع صم الجبال
اللي طوال ...
نسامر القمرا واحطك تحت رمشي لاغفيت ...

تسبح مشاعرنا مع النسمات في رؤس الجبال ...
تروي ضماها من رحيق الزهر وتقول ارتويت ...

نصيحتي للحب ... يحذر لا يصدّق
مايقال ...
وإن ماسمعها يعتبرني لاسمعت
ولا رأيت ...




شعر
حمدان بن محمد