قصيدة للشاعر محمد الحربي

الشعر خلطة شعور وحبكة معلم
خلك من اللي جزيل القاف ينحرها

مثل السراج ان حصل في ليلن مظلم
يضوي الليالي وتطرب لين تسهرها

من عقب وزن القصيده يالخوي سلم
على اللذي ماغفل وابدع بجوهرها

والقاف لامن بنا ماجاك متثلم
هذي صفات القصايد يامدورها

والشاعر اللي مهو بالوصف متولم
ياليت ارض الشعر عجلن يهاجرها

ياليت يعجم ليا من راد يتكلم
لجل بيوت الشعر ماهو يكسرها

ولون للشعر قدره ثم يتظلم
قضيته بالحرام مايوم يخسرها

ياعابثن بالشعر يالين تتعلم
اخف البيوت الكسيره لين تجبرها

لو قل منهو سبايب حرفك أتألم
تكفى طلبتك ديار الشعر غادرها

ابوشامي

صح لسانك.....فعلا المستشعرين كثر

صح لسانك يا شاعرنا

عساك على القوووه

شكرا على القصيده

الف شكر.....

بوركت اخي...