كبوة جواد

سلامي على اللي ما يدور ورا المقفين...
حزامك على الضيقه ودرعك على الشده...

وسلامي على اللي ما تجي كلمته ثنتين..
على روس قومك ترفع الراس وتعده...

وسلامي على اللي في عسير الأمور يبين ...
يبادلك مهما تزعله طيب وموده...

ونا قست بحر الشعر بالجزر والمدين...
وللشعر بحر ولا عرفنا مدى حده ...

عرفنا من الاجواد حلو النبا واللين ...
جميل المحيا يكسب الناس في وده ...

ونا قول ربعي عزوتي في جفون العين ..
ولو غبت عنهم ما تغيبت من صده ...

كبا بي جوادي وان بعض العرب دارين ...
كبا بي ونا في مقدم القوم والهده ..

وعسا اللي يدور للنمايم ورا الواشين ...
تفصل له الايام ثوب(ن)على قده ...

عسا الله يقيم الحظ وندرج الرجلين ..
نرى نعمة الله عقب فقدانها مده ...

ابراهيم الحربي

صح لسانك يا شاعرنا

شكرا على القصيده ولا عدمناك

وفقك الله......

بوركت اخي...

يعطيك العافيه....

حيا الله اللي غيابه قارب الشهرين
صعب الرجاجيل والله طالت المُدّه

هلا باللي قصيده مايعرف الشين
قصيده يلطم الهزلات لاعدّه

رفيق دربي في العسر واللين
حزامي درع جنبي حزة الشدّه

هلا يالذيب يالقرناس يالشاهين
هلا يامكرم ضيوفك هلا يامرهي المدّه