قصيدة للشاعر محمد الحربي
توايقت من ضلع الاماني على الاحلام
لقيت الصعوبه واقعن بينها وبيني
وبذرت الصبر عله ملاذي مع الايام
عسى يثمر اهدافي وتجنيه يديني
وعشمت خطواتي على موعدن قدام
اغمض عيون الفكر عن ياسي وعيني
اذا الرجل مااستخلص عبر سابق الاقوام
وتسنى بهل الحكمه خصوصن هل الديني
وتحاشا مرافق من على المرجله مقدام
فلايدهشك لوهو تهاوى وتشكيني
لجل تسلم الطيحه وتصبح قوي اعظام
تخير ترى الاصحاب تاثيرها امبيني
وتواجد بدار الوصل لا تقطع الارحام
ترى له عظيم الاجر كان انت توحيني
تواضع ترى مادام حالن ولوكم دام
تحسب ولا تغفل ترى الدهر يوميني
حذاري ولا تفعل جميلن لجل اعلام
تراها فشيله والريا ماهو بزيني
فلا تنهر السايل ولاتقهر الايتام
وتعامل مع العالم بطبع الكريميني
واذا جاك من عايل خطيه فكون حسام
عقب ثالثه يابوك لاترضى بالشيني
دروعك هلك في وجه منهم غدوا اخصام
لشانك ليا ربعك غدو لك محبيني
تغانم سلاح الربع بالود والاكرام
صبين بلا عزوه فلاله مياديني
ترى الرجل من دون القبيلة ضعيف احزام
فتى يعتزي باهله يقارع سلاطيني
واياك تتعدى حسب ماذكر الاسلام
عهودك عهودك في شدايد وفي ليني
كذا تم بعض اللي على خاطري قد حام
عسى تتبع نصحن نبع من شراييني
وصيه لاحمد سقتها والسلام ختام
شريكن بها شامي وعبد الله واثنيني
علي والبطل عامر ومعهم زهور الشام
حروفن من الخافق تهادت لغاليني
ابوشامي
رد مع اقتباس
