قصيدة وثلاثة الغاز

شفت البروق اللي يسابقها المطر ...
والشمس غابت ما لمحت عيونها...

هوجست والهاجوس وافي لاحضر...
يكسي بيوت الشعر حلو لحونها...

مشيت والخطوه يحوف بها الخطر...
امشي دروب الناس ما يمشونها...

ماهي بصعبه بس لي وجهة نظر ...
ابدي بها قبل العرب يبدونها...

ياريم ياللي جيت تتبختر قهر..
يوم السحايب جت تهل مزونها ..

شكلك تمشى واعجبك مد البصر ...
ونا سهوم الموت ذقت طعونها...

شاعر ولالي في مقاصيد البشر ...
وأقصى نوايا الناس وادنى ضنونها...

رميتني والسيل فوقي منحدر..
يابو الرموش اللي تغطي نونها...

بنشدك عن قوم(ن)خذو لبس الحضر...
وخلو مرابعهم وهم يبغونها ...

ونشدك عن ليل(ن) تغشاني عصر ...
غطا عيون الشمس وأخفى لونها...

وانشدك عن عين(ن) كفت كل البشر ...
كل العرب وقت الضما يردونها...

هذي ثلاث بحلها مالك عذر ..
نبدي بها اهل الفكر ويحلونها

الشاعر :ابراهيم الحربي ..

جميله جدا بس الألغاز يبيلها تفكير

البدو والنو وزمزم

صح لسانك ولا عدمناك

تقبل مرووري

دمت في حفظ الرحمن

شكرا على الموضوع