يالله تجزي والدي فالموازين

لوكل من يعرض على شاشة العين
ينحط له قدر ومهابه ومنزال

في ذمتي سدت جميع الشرايين
من كثر مايدخل خفوقي من رجال

لكنهم اهل المراجل مسمين
وياقلهم ياخوك مع مر الاجيال

الحمدلله فارق الزين والشين
اثني عليه واحمده طيب الفال

اللي حماني من مرافق رديين
لافعلن يشرف ولا ذكر ينقال

ويالله ثبتني على الطيب يالين
اعرض على ربي بعد يوم الاهوال

ويالله تجزي والدي فالموازين
خير الجزا يارب في كل الاحوال

اللي على درب النقا خطل الايدين
ثبت طريقي في مضامين وخصال

لاشافها اهل العقول الميامين
ضمنت لي بين الرجاجيل مقيال

اللي زرع في داخلي بذرة الدين
رجلن تحدث عنه عذبات الافعال

ابوي من نسل الرجال العريبين
وصاني ان الطيب افيد من المال

وانا على منهاج عدل الموازين
رجلن على درب المراجل ولامال

ابوشامي

بالتوفيق وإلى الأمام. ...

بالتوفيق والى الامام

تقبل مروري. ...

عساك على القوه

يعطيك العافيه....

وفقك الله....